“Për shitjen e pasurive të paluajtshme shtetërore poseduesëve faktikë jopronare në zonat me përparësi zhvillimin e ekonomisë malore”

Projektligji “Për Shitjen e Pasurive të Paluajtshme Shtetërore Poseduesëve Faktikë Jo pronarë në Zonat me Përparësi Zhvillimin e Ekonomisë Malore” ka për qëllim, të japë zgjidhje ligjore, një specifike që paraqet situata aktuale me pasuritë e paluajtshme shtetërore, në zona rajonale/lokale të qeverisjes vendore, që konsiderohen si zona të një rëndësie të veçantë me përparësi zhvillimin.

Poseduesit faktikë të këtyre pasurive të paluajtshme, i posedojnë ato në mungesë të titujve të pronësisë, ose në mospërputhje me titujt e pronësisë që zotërojnë. Mungesa e titujve të pronësisë të regjistruar sipas kërkesave ligjore në fuqi, përbën një sfidë, të cilës synohet që përmes këtij projektligji, t’i jepet një zgjidhje ligjore, e qëndrueshme, në përputhje me parimet themelore të mbrojtjes së të drejtës së pronësisë dhe një procesi të rregullt dhe ligjor

Projektligji ka për qëllim, pikërisht konsolidimin e marrëdhënies juridike të pronësisë mbi tokën, në këto zona me përparësi zhvillimin, me qëllim nxitjen dhe tërheqjen e investimeve për zhvillimin e qëndrueshëm të ekonomisë, në ato zona, të cilat për shkak të burimeve natyrore, trashëgimisë së pasur kulturore dhe gamën e gjerë të aktiviteteve në natyrë që ofrojnë konsiderohen si zona të një rëndësie të veçantë me përparësi zhvillimin malor dhe kanë nevojë për mbështetje të posaçme me qëllim rimëkëmbjen ekonomike, nxitjen e punësimit, përmirësimin e kushteve të jetesës dhe shfrytëzimin me efiçencë të burimeve të natyrës, mbrojtjes së ekosistemit dhe vlerave territoriale.

Objekti i këtij projektligji, është përcaktimi i procedurave dhe rregullave që do të zbatohen nga ministria përgjegjëse për ekonominë dhe institucionet e tjera të ngarkuara për zbatimin e këtij ligji, për konsolidimin e marrëdhënies juridike të pronësisë mbi pasuritë shtetërore, në zonat e cilësuara si zona me përparësi zhvillimin e ekonomisë malore, të cilat në përfundim të procesit të përditësimit dhe inventarizimit, rezultojnë me posedues faktik jo pronar.