Nisin punimet për zgjerimin e autostradës Tiranë-Durrës

Nisin punimet për zgjerimin e autostradës Tiranë- Durrës, një prej arterieve kryesor të transportit për në kryeqytet. Punimet në këtë aks rrugor po kryhen nga kthesa e Kamzës deri tek mbikalimi i Kasharit. Pa bllokuar kalimin aktual të automjeteve, zgjerimi konsiston në hapjen e një korsie të plotë 3.75 metër dhe korsia e emergjencës 3 metër.

“6 km e para përfshihen në 2 lote, janë 5 kompani që marrin pjesë në këtë aksion. Zgjerimi konsiston në një korsi shtesë për qarkullim dhe 1 korsi emergjence.

Gjatë periudhës së punimeve nuk është parashikuar bllokimi i autostradës, por do të ketë kufizime të shpejtësisë së lëvizjes, me qëllim ruajtjen e sigurisë së ndërtimit dhe të udhëtarëve

Zgjidhje nga kjo ndërhyrje do të marrë edhe rruga e vjetër ekzistuese, një shqetësim ndër vitet I shoferëve por dhe bizneseve.

Nuk ka të bëjë me shpronësime pothuajse fare vetëm në një segment të vogël preken disa biznese të vegjël. Do bëhet dhe një ndërhyrje për përmirësimin e rrugës ekzistuese deri në shtresat e saj.

Kostoja totale për zgjerimin e kësaj autostrade me një afat prej 20 muajsh do t’i kushtoj buxhetit të shtetit mbi 34 milionë euro. Në përfundim të punimeve shpejtësia e lejuar për automjetet do jetë 130 km\h.

Afati i përfundimeve është ofertuar 24 dhe 19 muaj, impenjimi është maksimal që të ecim sa më shpejt. Faza e parë e punimeve është parashikuar të përfundojë pas 2 viteve, por ARRSH shprehet se korsitë e reja do të jenë në dispozicion më shpejt.