Nis sot shkolla, më pak studentë në auditore

Emigrimi i vazhdueshëm dhe i pandalshëm vitet e fundit ka dhënë pasoja edhe tek arsimi.

Më datë 7 tetor, në auditore do të ulen rreth 117 mijë studentë ose 3.6% më pak se vitin e kaluar akademik. Ekspertët shpjegojnë arsyet e një situate të tillë, që nuk justifikohet vetëm me largimet jashtë vendit. Kjo pasi në një situatë të tillë ka ndikuar edhe plakja e popullsisë, si dhe humbja e interesit për arsimin.

Rënie të numrit të nxënësve ka edhe në arsimin profesional, edhe pse kërkesa për zanate është shtuar ndjeshëm në treg.  Në vitin akademik 2023-2024, rezultuan 406 nxënës më pak që ndiqnin arsimin profesional.

Një situatë e tillë, me më pak të rinj që ndjekin studimet ka pasoja në ekonomi. Kjo pasi ulet ndjeshëm niveli i arsimimit të popullsisë; kemi një fuqi punëtore më pakbeni 3 të kualifikuar dhe rrjedhimisht, më pak produktive. Kjo në finale con në një rritje më të ngadaltë të ekonomisë.

Por një ndër arsyet që shumë studentë nuk ndjekin dor arsimin e lartë, vecanërisht ata që jetojnë në zonat rurale apo qytetet e vogla janë edhe kostot e larta. Kjo pasi universiteti kushton, si kudo në botë. E nuk janë vetëm kostot e frekuentimit në arsimin e lartë privat, por edhe në atë publik, që është falas, janë disa kosto ndonëse më të ulëta, por që duhen paguar. Nga ana tjetër, janë edhe ato që quhen kosto indirekte, ku përfshihet shtëpia me qera, ushqimi, veshja, kosto e transportit etj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern