Nesër pritet çelja e kapitujve me BE, Shqipëria do të përfitojë gati 1 miliard euro

Të martën e 15 tetorit pritet që të celen negociatat për anëtarësimin e Shqipërisë në Bashkimin Europian. Nesër pritet të zhvillohet tryeza e dytë Ndërqeveritare mes Shqipërisë dhe Bashkimit Europian dhe menjëherë më pas, vendit tonë do t’i disbursohen fondet e para nga “Plani i ri i Rritjes” së BE për Ballkanin Perëndimor.

Nga Plani i Rritjes Ekonomike sipas një përllogaritje jozyrtare, Shqipëria do të mund të përfitojë në total 922 milionë euro, ndërsa si mjete “parafinancuese” arrin të marrë 64.5 milionë euro.

Kosova në krahun tjetër do të mund të përfitojë mbi 880 milionë euro. Mbi 250 milionë euro, Kosovës do t’i ndahen si para pa kthim, ndërsa pjesa tjetër në formën e kredive.

Por, para se të bëhen këto pagesa, vendet përfituese duhet t’i nënshkruajnë marrëveshjet dhe t’i ratifikojnë ato në parlamentet e tyre kombëtare, sepse dy miliardë euro do të jenë para pa kthim, ndërsa të tjerat do të jenë kredi të favorshme.

BE ka vendosur në këtë rast edhe kushtet që duhet të përmbushen gjatë gjithë procesit të realizimit të projekteve. Ato kanë të bëjnë me sundimin e ligjit, kontrollin financiar dhe auditimin e duhur sipas standardeve evropiane.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern