LIGJET E BIZNESIT
Mbyllja e kufijve me ish-Jugosllavinë në vitin 1948, ndau fshatrat Pogaj-Gorozhup, që lidhin dy pjesë të Hasit, në Kosovë e Shqipëri, ndërsa lufta e UCK, pjesë e së cilës u bënë edhe banorët e Pogajve, ku disa prej tyre ranë dëshmorë ,rikthyen lirinë dhe komunikimin e munguar prej pesë dekadash.
Por prej çlirimit të Kosovës, banorët e dy anëve të kufirit kalonin me këmbë e kuaj një rrugë të amortizuar. Së fundmi qeveria e Kosovës, po investon për asfaltimin e rrugës Gorozhub – Pogaj, rreth 3.7 km.
Zv/ministri i infrastrukturës në qeverinë e Kosovës, Hysen Durmishi, tha se këto projekte i shërbejnë zhvillimit të fshatrave kufitarë. Sinkron.
Kryetari i Bashkisë Has, Miftar Dauti, tha se ndërtimi i rrugës zgjidh problemin kryesor për komunikimin e banorëve dhe shpreson për zgjatimin e saj deri në Krumë.
Bashkia e Hasit, ka një gjatësi të konsiderueshme të vijës kufitare me Kosovën dhe synon të thithë sa më shume fonde nga dy qeveritë për projektet e bashkëpunimit ndërkufitar Shqipëri- Kosovë në infrastrukturën rrugore.
Ky financim i qeverisë së Kosovës ,për zonat kufitare nuk është i vetmi pasi në përfundim e sipër është rruga Kërstec -Pakisht -Zapod.
