Në mbyllje të muajit tetor, euro ka shënuar nivelin më të ulët në vitet e fundit. Sipas kursit zyrtar të Bankës së Shqipërisë euro në 24 orët e fundit është këmbyer për 98.29 lekë, duke rënë edhe më tej krahasuar me të gjithë muajin. Ndërkohë që në tw njëjtën periudhë të një viti më parë, euro është këmbyer me 105.1 lekë. Kjo do të thotë se në harkun kohor të një viti, monedha europiane është zhvlerësuar me 6.9 lekë.
Në blerje euro po këmbehet për 97.95 lekë ndërsa shitet për 98.62 lekë. As mbarimi i sezonit turistik por as edhe ndërhyrja e Bankës së Shqipërisë deri në tetor në vlerën e 272 milionë euro nuk e stabilizuan kursin.
Si euro në rënie ndodhen dhe monedhat e tjera si dollari amerikan, paundi britanik apo franga zvicerane.
KURSI I KEMBIMIT EURO/LEK (30.10.2023-31.10.2024)
(Burimi: Banka e Shqiperise)
