LIGJET E BIZNESIT
E ardhmja është te teknologjia, por Shqipëria është larg saj. Në sytë e ndërkombëtarëve, vendi nuk ka bërë mjaftueshëm për të qenë pjesë e “dekadës digjitale”. Nga konferenca “Rritja e Ndikimit të Shqipërisë në Ekonominë Digjitale te Rajoni”, ambasadori i Bashkimit Europian në Shqipëri kërkoi “shpejtim të hapave në drejtim të përqafimit të teknologjisë.”
“Bashkimi Europian po mbështet shndërrimin digjital në Shqipëri. Për të parën gjë që flasim të gjithë është “Plani i rritjes.” Pra një zarf financiar me gati 1 miliardë euro për Shqipërinë dhe një ndër përparësitë tona është që të fuqizojë përparimin e Shqipërisë në tregun digjital”, u shpreh ambasadori i Bashkimit Europian në Shqipëri, Silvio Gonzato.
Gjetjet aspak pozitive për Shqipërinë, veçanërisht në një kohë që pas digjitalizimit të shërbimeve qeveria premton futjen e inteligjencës artificiale në administratën publike u pranuan nga zëvendësministër i Ekonomisë Kulturës dhe Inovacionit, Sokol Duma.
“Edhe në bazë të raportit Digital Economy Society Index, Shqipwria vërtetë ka bërë hapa para por ka një “gap” shumë të madh në raport me vendet e Bashkimit Europian. Për këtë jemi dukë punuar në bashkëpunim me biznesin. Këtu përfshin nisma si E-tregtia, E-shitjet apo përmirësimi i pagesave digjitale”, deklaroi zëvendësministër i MEKI, Sokol Duma.
Ambasadori i Bashkimit Europian, Gonzato tregoi edhe se si po mbështetet Shqipëria në drejtim “edukimit digjital të popullatës.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Në Shqipëri është shumë interesante që nga një sondazh që është bërë nga Fondacioni Europian i Trajnimeve vetëm 28 për qind e popullsisë shqiptare të rritur kanë thënë që kanë aftësi digjitale, ndërsa Barometri i Ballkanit tha se 64 për qind janë shprehur se aftësitë digjitale janë të rëndësishëm për të dalë në tregun e punës. Pra duhet bërë më shumë punë për të mbyllur këtë hendek”, theksoi Gonzato, transmeton A2.
Në konferencën që bëri bashkë kompani në fushën e teknologjisë, telekomunikacionit dhe inovacionit i pranishëm ishte dhe Ministri i Mbrojtjes, Pirro Vengu i cili nënvizoi se vendi dhe sektori bankar në vend po përballen me sulme në rritje kibernetike
