Borxhet e energjisë, qytetarët i paguajnë, institucionet i shtojnë

Institucionet shtetërore rezultojnë borxhlinjtë më të mëdhenj të energjisë elektrike. Sipas të dhënave të Entit Rregullator të Energjisë, bizneset dhe qytetarët i kanë paguar faturat e energjisë, ndërsa institucionet kanë shtuar borxhet ndaj OSHEE.

Në 7 mujorin e këtij viti, bizneset i ulën me 1.2 miliardë lekë detyrimet, duke e cuar në 11.2 miliardë lekë stokun. Të njëjtën ecuri kanë pasur edhe qytetarët. Nga ana tjetër, institucionet buxhetore dhe ato jobuxhetore duket të jenë gjithmonë në krizë teksa detyrimet e tyre vetëm rriten nga muaji në muaj. Kryesisht ministritë I rritën borxhet e tyre me 177 milionë lekë, duke arritur kështu në 4.9 miliardë lekë. Ndërsa entet publike, përfshirë edhe ujësjellësat e rritën detyrimet me 1.25 miliardë lekë.