LIGJET E BIZNESIT
Nisur nga numri i aksidenteve në punë, vecanërisht në sektorë të caktuar, si ndërtimi apo minierat, qeveria ka bërë ndryshime në kuadrin ligjor. Për konsultim publik është hedhur dokumenti i Politikave për Sigurinë dhe Shëndetin në Punë 2024 – 2030 dhe Planit të Veprimit.
Dokumenti synon të përmirësojë mjedisin e punës, duke zbutur në këtë mënyrë numrin e aksidenteve dhe sëmundjeve në punë nëpërmjet zbatimit të një qasjeje parandaluese, sistematike dhe të mirëkoordinuar për menaxhimin e shërbimeve të sigurisë dhe shëndetit në punë, duke kultivuar një kulturë parandaluese të sigurisë dhe shëndetit.
Për të realizuar këtë objektiv gjithëpërfshirës, ky draft mbështetet nga tre shtylla themelore: përshtatja e institucioneve dhe politikave të sigurisë dhe shëndetit në punë me sfidat aktuale dhe ato të ardhshme; forcimi i qeverisjes dhe menaxhimit të institucioneve të sigurisë dhe shëndetit në punë për kushte pune të denja; kthimi në prioritet dhe rritja e ndërgjegjësimit për SSHP-në për të garantuar kushtet e punës së denjë.
Dukumenti i politikave SSHP 2024-2030
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
