Qeveria po shqyrton disa skenarë për të ndërhyrë në skemën e pensioneve. Drejtori I Përgjithshëm i Institutit të Sigurimeve Shoqërore ka zbardhur në emisionin A2 Business të gazetares Aurora Sulce diskutimet që po bëhen në grupin e punës, të ngritur enkas për ndryshimin e skemës së pensioneve, të paralajmëruar tashmë nga qeveria.
“Ndërhyret kur bëhen në skemën e pensioneve analizojnë fakorët problematikë, të cilët janë kanë të bëjnë me zhvillimet demografike dhe emigracionin. Qeveria ka ngritur një grup pune dhe po shqyrton të gjitha variantet për ndërhyrjet në skemën e pensioneve. Do të ketë ndërhyrje afatshkurtra, që është bonusi që do të jetë në fund të vitit dhe do të jetë më i lartë se ai i viteve të mëparshme, do të jetë i qënësishëm. Por duhen parë mundësitë reale të buxhetit, pasi bonuset jepen për të ndihmuar pensionistët dhe nuk janë detyrim i skemës.
Përsa i përket ndrëhyrjeve afatgjata të gjitha variantet janë në treyzë për diskutim: nga rritja e moshës së pensionit, tek rritja e masës së kontributeve apo dhe ulja e pensioneve”, deklaroi Hado.
Por kur do të rriten pensionet?
“Kjo është pyetja që bëjnë të gjithë, më pyet dhe mamaja ime sa herë shkoj në shtëpi. Nuk është problem se nuk gjen dot lek qeveria sot që të rrisë pensionet. Sivjet është një vit i mirë financiar dhe qeveria ka disa kursime për shumë arsye dhe mund të përballojë një rritje pensionesh. Problemi nuk shtrohet a ka lek qeveria sot apo a do të ketë dhe mot.
Problemi është sesa para më tepër do të gjenerojë ekonomia shqiptare në 20-30 vitet e ardhshme. Sepse po u rritën pensonet sivjet, këtë rritje sinjifikative le të themi 20-30% duhet ta përllogarisësh dhe ta kostosh sesa do të dojë për 30 vjet. Nuk thua dot pas 2 vjetësh që më mbaruan paratë, do t’i ul”, u shpreh kreu i ISSH-së, Astrit Hado.
