Opinion nga Irena Beqiraj, eksperte për ekonominë
Që turizmi masiv është basti afatshkurtër i zhvillimit ekonomik është e stërprovuar me të dhëna nga vende të cilat e kanë mbështetur para nesh ekonominë tek turizimi . Por duhet thënë e pranuar që ai ka fuqi të bindë !
Të bazuar në matrën “Perceptimi është i vërtetë realiteti jo” , turizmi edhe turistët janë përdorur historikisht si mbulesë e qëllimeve politike të mbajtjes pa meritë sa më gjatë të pushtetit .
Përshembull : Nazistët për të mbuluar përgatitjet e tyre për luftë me përshtypjet sipërfaqësore por pozitive të turistëve, mirëpritën turistë në Rajhun e Tretë.
Historiania Kristin Semmens shkruan se : Ndërkohë që përgatitjet ushtarake të Hitlerit ishin të plota edhe përfundimtare, ” perceptimi i turistëve të huaj se Gjermania naziste nuk përbënte asnjë kërcënim për paqen botërore ishte jetike” . Për Goebbels-in, shefin e propagandës naziste pritja e turistëve ishte “paqja në kuptimin më të pastër të saj”.
Edhe për Frankon e Spanjës , turizmi ishte “një
formë efektive për tëedemonstruar “legjitimitetin e Spanjës si model ekonomik edhe shoqëror.” Turistët ishin një mundësi e mirë për të propaganduar përparimin, rendin dhe qetësinë e Spanjës së Frankos..
Madje udhëheqësit autokratikë asnjeherë nuk kan nguruar të përdorin dhe emra të njohur si promovues për vendet e tyre .
Eshtë e njohur përpjekja e udhëheqësve sovjetikë për ti kthyer turistët në avokatë.
Janë pritur e nderuar në Moskë nga Stalini shkrimtarë simpatikë, intelektualë të njohur botërisht . Një listë njerzish të ndritur nga George Bernard Shaw dhe H. G. Wells tek Pablo Neruda dhe W. E. B. DuBois – ja kthyen ” kënaqësinë ” Stalinit duke e lavderuar diktatorin dhe sistemin e tij.
Një mënyrë tjetër e përdorur nga liderët autokratë për të treguar “respektin” që bota ka ndaj tyre personalisht edhe prej tyre ndaj vendit është organizimi i samiteve.
Putini shpenzoi pothuajse 400 milionë dollarë për kryesimin e takimit të G8 në vititn 2006 në St.Pertburg.
Rezultatet e ketij samiti “mahnitën” drejtuesit marioneta të televizioneve ruse të kontrolluara nga shteti.
” Ky Samit ishte më i rëndësishmi i mbajtur në Rusi që nga koha kur Stalini, Churchilli,
dhe Roosevelti u takuan në Jaltë, deklaronte Channel One. “Është Rusia ajo që po vendos
axhendën ekonomike të G8,” proklamohej në NTV.97
Po ashtu. Nazarbayev lideri i Kazakistanit loboi fort që Kazakistani të kryesonte Organizatën për Siguri dhe Bashkëpunim Europiane OSBE edhe ja arriti. Ai më pas e përdori këtë si një konfirmim duke ju thenë një turme studentësh dhe punëtorësh në vitin 2008 se “Arritjet tona po njihen në mbarë botën.”
A ndryshuan planet per lufte te nazistëve , a ishte një model legjitim modeli i Frankos, a ishte Rusia vendi qe po vendoste axhendën ekonomike të G8, apo u njohen arritjet e Kazakistanit në gjithë Botën? Përgjigja në të gjitha rastet eshtë Jo ! Në fakt historia na tregon se turizmi “mund bindë” ose të ndryshojë perceptimin por kursesi nuk tregon realitetin apo ndryshimin.
Kam frikë se koha do ta cmojë turizmin masiv në Shqipëri si një përpjekje politike për të përbushur pikërisht qasjen gënjeshtare “perceptimi është i vertetë realiteti jo!
