Qeveria ka miratuar indeksimin e pensioneve me 4.1%. Kaq është masa e rritjes, që do të hyjë në fuqi nga 1 tetori. Pas mbledhjes së Këshillit të Ministrave, ministri i Ekonomisë, Kulturës dhe Inovacionit, Blendi Goxhe deklaroi se nga ky vendim përfitojnë 791 257 pensionistë.
“Efektet financiare për zbatimin e këtij vendimi përllogariten rreth 17 milionë euro për 3 muajt e vitit 2024”, shtoi Gonxhja. “Është sfidë e jonë për të garantuar rritje të të ardhurave për pensionistët, në mënyrë që të kemi një jetë sa më të denjë për ta”, u shpreh Gonxhe.
Ministri shtoi se edhe bonusi i fundvitit, që zakonisht ka qenë 5000 lekë, do të jetë më i lartë këtë vit. Ndërsa konfirmoi se nga mesi i muajit tetor do të nisin konsultimet për rishikimin e skemës së pensioneve.
