“Gremiset euro”, prek minimumin e ri historik prej 99.2 lekë

Nuk ka të ndalur rënia e euros. Sipas kursit zyrtar të Bankës së Shqipërisë, monedha europiane ka zbritur në 99.2 lekë, duke shënuar kështu minimumin e ri historik. Euro po pëson rënie thuajse të përditshme, të cilat shpjegohet jo vetëm me kanalet zyrtare, si të ardhurat nga turistët e huaj, remitancat apo invetsimet e huaja, por edhe nga burimet informale.

“Tashmë kemi një shtrirje gjithëvjetore të turizmit dhe nuk kemi më turizmin sezonal. Kjo do të thotë se ka të ardhura të vazhdueshme nga turizmi, plus ka pasur rritje të investimeve të huaja dhe remitancave. Por janë edhe burimet informale, që nuk mund të vlerësohen saktë”, shprehet Elvin Meka, ekspert për tregjet financiare.

Rënia e euros po ndodh për shkak të sasisë së madhe të kësaj valute në qarkullim, si pasojë e shtimit të ofertës, ndërkohë që kërkesa mbetet e dobët. “Ende nuk kemi importet e energjisë elektrike që bënte që të tërhiqej një pjesë e valutës nga tregu, për shkak ndoshta të situatës më të mirë hidrike këtë vit”, shpjegon Meka. Vetëm vitin e fundit, monedha europiane është zhvlerësuar me rreth 10%.

Nuk ka të ndalur rënia e euros. Sipas kursit zyrtar të Bankës së Shqipërisë, monedha europiane ka zbritur në 99.2 lekë, duke shënuar kështu minimumin e ri historik. Euro po pëson rënie thuajse të përditshme, të cilat shpjegohet jo vetëm me kanalet zyrtare, si të ardhurat nga turistët e huaj, remitancat apo invetsimet e huaja, por edhe nga burimet informale.

“Tashmë kemi një shtrirje gjithëvjetore të turizmit dhe nuk kemi më turizmin sezonal. Kjo do të thotë se ka të ardhura të vazhdueshme nga turizmi, plus ka pasur rritje të investimeve të huaja dhe remitancave. Por janë edhe burimet informale, që nuk mund të vlerësohen saktë”, shprehet Elvin Meka, ekspert për tregjet financiare.

Rënia e euros po ndodh për shkak të sasisë së madhe të kësaj valute në qarkullim, si pasojë e shtimit të ofertës, ndërkohë që kërkesa mbetet e dobët. “Ende nuk kemi importet e energjisë elektrike që bënte që të tërhiqej një pjesë e valutës nga tregu, për shkak ndoshta të situatës më të mirë hidrike këtë vit”, shpjegon Meka. Vetëm vitin e fundit, monedha europiane është zhvlerësuar me rreth 10%.