Cmimet e larta të apartamenteve? Ja faktorët që po rrisin kostot

Rritja e cmimeve të banesave në Shqipëri nuk është pasojë vetëm e rritjes së kërkesës për apartamente apo abuzimeve në disa raste, por edhe shtrenjtimit të kostove. Instituti i Statistikave konstaton se në tremujorin e dytë të këtij viti, Indeksi i Kushtimit në Ndërtim u rrit me 2.5%, ndërkohë që në të njëjtën periudhë të një viti më parë ky ndryshim ishte 4.7 %.

Të dhënat tregojnë se rritja më e madhe e çmimeve vërehet në grupin “Shpenzime energjie” me 5.9 %, pasuar nga grupet “Shpenzime për paga” me 3.8 %, “Shpenzime transporti” me 3.5 %, “Kosto të tjera” me 2.1 %, “Shpenzime makinerie” me 1.6 % dhe “Shpenzime materiale” me 1.1 %.

Brenda grupit “Shpenzime materiale”, indeksi i nëngrupit “Materiale hidro-sanitare dhe ventilimi” shënoi rritjen më të lartë prej 1.2 %, pasuar nga grupet “Materiale ndërtimi” me 1.1 % dhe “Materiale elektrike dhe komunikimi” me 0.8 %.