LIGJET E BIZNESIT
Rritet fluksi i investimeve të huaja në vend, por me fokus të vecantë tek pronat. Të dhënat e fundit të Bankës së Shqipërisë tregojnë se në gjysmën e parë të këtij viti, niveli i investimeve të huaja arriti në rreth 750 milionë eurove, me një rritje prej 56.3 milionë euro kundrejt të njëjtës periudhë të një viti më parë.
Ky është niveli më i lartë i investimeve të huaja të shënuar ndonjëherë për një 6-mujor.
Duke analizuar sektorët, kanë kanë tërhequr më shumë vëmendjen e investitorëve, rezulton se janë pasuritë e patundshme ato që kryesojnë me 29% të totalit, pasuar nga sektori bankar dhe ai i sigurimeve me 23%, industria nxjerrëse me 13% dhe më pak në energji dhe tregti.
Vlen të theksohet gjithashtu, se më shumë se gjysma e investimeve të huaja janë fitimet e ri-investuara të kompanive ndërkombëtare, që operojnë në vend. Kështu, sipas Bankës së Shqipërisë, fitimet e riinvestuara arritën në 394 milionë euro në pjesën e parë të këtij viti, ose sa 53 për qind e fluksit total të investimeve të huaja.
Thithja e investimeve të huaja ka përfitime të mëdha për një ekonomi, pasi krijon vende të reja pune dhe injekton kapital. Arsye këto që kanë shtyrë kryeministrin Rama që t’i bëjë thirrje diasporës të kthehet në Shqipëri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
