Fuqizimi i rrjetit të One Albania: Investime të shtuara për sezonin veror, përgatitemi për 5G

Larmishmëria e aktiviteteve gjatë sezonit të nxehtë të verës, si dhe turistët e shumtë që vizitojnë vendin tonë kanë shtuar nevojën për të pasur një rrjet cilësor dhe të besueshëm. Bazuar në matjet e fundit të kryera në rrjet, lideri i telekomunikacionit në Shqipëri, One Albania është mëse i përgatitur për t’u përballur me këtë periudhë të ngarkuar, nxitur nga rritja e përdoruesve vendas, por edhe nga numri rekord i turistëve ndërkombëtarë.

Shtimi i përdoruesve vendas dhe numrat e përdorur nga vizitorët e huaj

Suksesi turistik që Shqipëria është duke përjetuar vitet e fundit është reflektuar padyshim edhe në rritjen e përdoruesve të rrjetit One. Mjafton një krahasim i muajit korrik me atë të një viti më parë për të evidentuar një rritje prej 40% në trafikun e të dhënave.

“Kemi konstatuar një rritje të konsiderueshme në përdorimin e të dhënave, duke pasqyruar kështu besimin dhe mbështetjen që klientët kanë në rrjetin tonë, gjatë periudhës më të ngarkuar të vitit. Mbi 95,000 vizitorë i janë bashkuar rrjetit One Albania vetëm në dy javët e fundit. Ekipi ynë ka punuar intensivisht për të siguruar që rrjeti One jo vetëm të përmbushë, por edhe të tejkalojë pritshmëritë e përdoruesve vendas, si dhe të vizitorëve ndërkombëtarë.”- tha Ilir Duka, Drejtor i Grupit të Teknologjisë në One Albania.

Përmirësimet strategjike të rrjetit dhe rruga drejt 5G-së

Për të përballuar këtë rritje të shpejtë të përdoruesve si dhe të trafikut të të dhënave, One Albania ka zgjeruar mbulimin me rrjet në mënyrë strategjike. Përveç sigurimit të mbulimit gjithëpërfshirës brenda tunelit të Llogarasë, kompania ka rritur ndjeshëm kapacitetin e rrjetit në të gjithë destinacionet e njohura bregdetare, për të ofruar lidhje pa probleme në çdo cep të Shqipërisë.

Paralelisht me përmirësimet e rrjetit celular dhe përgatitjes së infrastrukturës për vendosjen e teknologjisë 5G, e cila do të mundësojë rritje të shpejtësisë së të dhënave deri në 2.5 Gbps për përdorues, One Albania ka bërë hapa të rëndësishme edhe në modernizimin e infrastrukturës së rrjetit fiks. Mbulimi Fiber to the Home (FTTH) është zgjeruar, duke shtuar 30,000 familje vetëm në vitin 2024.

Gjithashtu, prej kohësh One Albania ka nisur procesin e zëvendësimit të linjave të fibrave të vjetruara të bakrit, duke i zëvendësuar ato me lidhje fibrash me shpejtësi të lartë. Deri më tani në vitin 2024, janë hequr rreth 35,000 linja bakri, duke dhënë një ndihmesë në transformimin digjital të vendit.

Këto janë vetëm disa nga arritjet e fundit të One Albania për të përmirësuar jo vetëm shërbimin aktual të përdoruesit, por gjithashtu të hedhë edhe bazat për inovacionet e ardhshme. Ndërsa sezoni i verës vazhdon, One Albania mbetet e fokusuar në ruajtjen e standardeve të larta të shërbimit, duke siguruar që çdo klient, qoftë vendas apo ndërkombëtar, të ketë përvojën më të mirë me rrjetin One.