LIGJET E BIZNESIT
CEO i ri i Starbucks, Brian Niccol do të udhëtojë gati 1,600 km nga shtëpia e tij në Newport Beach, Kaliforni deri në selinë e kompanisë në Seattle me një avion të korporatës.
Kjo ka ngjallur reagime të ndryshme nga kritikët, të cilët vunë në dukje në mediat sociale kontrastin midis qëndrimit publik të kompanisë për çështjet mjedisore dhe stilit të jetesës së drejtuesve të saj të lartë. Niccol do të marrë detyrën në krye të rrjetit më të madh të kafeneve në botë më 9 shtator.
Sipas kontratës, atij nuk do t’i kërkohet të zhvendoset në selinë e Kompanisë, por do i duhet të udhëtojë nga vendbanimi në selinë e Kompanisë sipas nevojës për të kryer detyrat dhe përgjegjësitë e tij. Dokumenti thotë se ai do të ketë të drejtë të përdorë avionin e kompanisë për “udhëtime të lidhura me biznesin” dhe për “udhëtime midis qytetit të tij të banimit dhe selisë së kompanisë.”
Starbucks tha gjithashtu se do të krijojë kushtet për një zyrë të vogël në Newport Beach, që Niccol ta përdorë kur të punojë nga Kalifornia. Vihet re se kompania ka një politikë hibride të punës, që do të thotë se punonjësit duhet të jenë në zyrë të paktën tre ditë në javë.
Sipas kushteve të kontratës, paga bazë vjetore e Niccol do të jetë 1.6 milionë dollarë. Për më tepër, ai mund të marrë një bonus të lidhur me performancën e kompanisë, që mund të jetë deri në 7.2 milionë dollarë. Ai gjithashtu do të marrë deri në 23 milionë në vit nga aksionet e Starbucks.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
