10 këshilla për të rinjte që kanë zgjedhur të vazhdojnë studimet në ekonomi!

Opinion nga Irena Beqiraj, eksperte për ekonominë

Ekonomia eshtë nje fushë studimi interesante impenjative, e mbushur me modele fenomeno logjike . Uroj që në fund të studimeve të paktën të keni mësuar :

1. Kjo botë duket e mbushur me shërbime falas, problemi i të cilave është se kushtojnë shtrenjtë .

2. Cmimet e ulta edhe të larta shpjegohen nga ligjet e kërkesë ofertës . Edhe një papagall po ti mësonte mirë sesi funksionojnë këto dy ligje do të quhej ekonomist.

3. Pavarësisht nëse jeni pro apo kundër qeverisë, në te gjitha rastet ajo mbetet shpenzuesja më e shkujdesur. Adam Smith thoshte: Përfaqësuesit e qeverisë e konsiderojnë pasurinë e zotërisë së tyre (publikut) si të pashtershme; janë të pakujdesshëm me çfarë çmimi blejnë dhe me çfarë çmimi shesin.”

4. Cdo vendim ekonomik mbrohet duke argumentuar se “kostoja e vendimeve të tjera alternative ishte më e lartë”.

5. Parashikimet ekonomike kanë vetëm një funksion , të rrisin respektin për astrologjinë. Ndaj kur të përdoni shifra me presje dhjetore në parashikimet tuaja nuk do të tregoni saktësi por vetëm që keni sens humori.

6. Edhe pse cdo shpjegim ekonomik ka dy anë, duhet të minimizoni përdorimin e frazës “nga njëra anë…por nga ana tjetër” . Aq shumë ishte lodhur nga kjo shprehje Harry Turman (ish President i SHBA-së) sa fillojë të kërkonte një ekonomist të një anëshem (Give me a one-handed Economist. All my economists say ‘on hand…’, then ‘but on the other.)

7. Nëse të pëlqen të blesh rroba Italiane, verë franceze , apo makinë gjermane, asnje nga këto zgjedhje nuk ka lidhje me statusin tuaj , zgjedhja juaj bazohet tek “avantazhi krahasues.

8. Rritja ekonomike nuk do të thotë mirëqenie për qytetarët .Ekonomia mund të rritet edhe kur shumica e njerëzve konsumojnë më pak . Madhësia “e byrekut” nuk ka lidhje fare me sa konsumojnë shumica .

9. Evidencave ekonometrike janë të paqarta për shumicën e cështjeve, ndaj mbi to mund të mbështetet cdo argument.

10. Në këtë botë, pavarësisht nga tema, “cdo gjë vërtitet gjithmonë rreth ekonomisë”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern