LIGJET E BIZNESIT
Mark Zuckerberg sheh një të ardhme ku teknologjia e fuqizuar nga AI do të jetë pjesë e pandashme e jetës sonë të përditshme.
Gjatë një bisedë me CEO-n e Nvidia, Jensen Huang, në konferencën SIGGRAPH, Zuckerberg ndau vizionin e tij për zgjerimin e përdorimit të syzeve inteligjente. Ai parashikon një gamë të gjerë produktesh të ndryshme, secila me teknologji dhe çmime të ndryshme që do të adresojnë nevoja të ndryshme të përdoruesve, shkruajnë mediat ndërkombëtare.
“Unë mendoj se ajo me të cilën do të përfundoni është vetëm një seri e tërë e produkteve të ndryshme të mundshme të syzeve, çmime të ndryshme me nivele të ndryshme teknologjie në to,” theksoi Zuckerberg.
Meta lansoi syzet e saj inteligjente në bashkëpunim me markën e njohur të syzeve Ray-Ban në vitin 2021. Ky hap i guximshëm shënoi një tjetër arritje në përpjekjet e kompanisë për të integruar teknologjinë dhe modën në një produkt të përbashkët.
Në fillim të këtij viti, Meta prezantoi një përditësim të Meta AI, që i mundësoi teknologjisë të ofrojë funksione më të avancuara për përdoruesit. Në SIGGRAPH, Zuckerberg njoftoi se kompania është duke punuar për gjeneratën e ardhshme të syzeve inteligjente, të cilat janë dizajnuar duke pasur parasysh “trendët e modës”. Këto syze pritet të sjellin një revolucion të ri në mënyrën se si ne ndërveprojmë me botën përreth nesh, duke kombinuar stilin dhe funksionalitetin në një mënyrë të paprecedentë.
Me këtë vizion të qartë dhe përkushtimin për inovacion, Meta është në rrugë të mbarë për të transformuar të ardhmen e teknologjisë së veshshme, duke sjellë përvoja të reja dhe të fuqishme për përdoruesit anembanë globit.
