Jo vetëm Spanja! Ky vend do ketë çmime të ndryshme në restorante për turistët

Pas Spanjës, edhe Japonia nuk ka një qasje dhe shumë miqësore me turistët. Për shkak të ngarkesës së madhe me turistë, vendasit kanë gjetur një zgjidhje. Nëse flisni një japonishte të rrjedhshme atëherë do merrni shërbim me çmim normal, mirëpo nëse jeni turistë, atëherë jo.

Japonia nuk ka qenë kurrë një destinacion i njohur për rritjen e çmimeve për të huajt, por mbiturizmi dhe monedha e dobët vendase – ka shtyrë së fundmi restorantet në vend të marrin në konsideratë çmimet diferenciale.

“Njerëzit thonë se është diskriminim, por është me të vërtetë e vështirë për ne që t’u shërbejmë të huajve dhe është përtej kapacitetit tonë,” tha Shogo Yonemitsu, i cili drejton një restorant.

Japonia u rihap plotësisht vetëm në vjeshtën e vitit 2022 pas heqjes së kufizimeve të COVID-19.