LIGJET E BIZNESIT
Duke filluar nga 1 janari i vitit të ardhshëm, prodhimi dhe shpërndarja e pullave fiskale do të bëhet nga shteti. Qeveria ka vendosur të mos e rinovojë kontratën koncesionare me kompaninë private që ofronte këtë shërbim. Ndryshimet në ligjin përkatës të akcizë, po diskutohen aktualisht në komisionet parlamentare.
Ministri i Financave Ervin Mete, gjatë dëgjesë në Komisionin parlamentar për Çështjet Ligjore dhe atë për Çështjet Europiane, bëri me dije se nga data 1 janar 2025, pulla fiskale si letër me vlerë dhe monopol shtetëror do të prodhohet dhe shpërndahet nga një person i autorizuar nga Këshilli i Ministrave. Sipas tij, kjo do të sjellë edhe ulje kostosh për bizneset.
“Me urdhër të Ministrit të Financave është ngritur një grup i gjerë pune, vjet në dhjetor, që po ndjek procedurat e përmbylljes së koncesionit të pullave fiskale. Koncesioni përfundon në 31 dhjetor të këtij viti dhe më pas do të vazhdojë të ushtrohet prodhimi dhe shpërndarja e pullave nga Shtypshkronja e Letrave me Vlerë. ka qënë një koncesion i kushtetueshëm dhe qëndrimi ynë është që do të duhet të ofrohet me kosto më të ulëta në të ardhmen”.
Sa i përket procedurës së porositjes së pullave fiskale, ajo do të mbetet e njëjtë edhe pas datës 1 janar 2025, por pagesat e çmimeve të pullave fiskale dhe kostove të dërgesave do ti paguhen personit të autorizuar nga Këshilli i Ministrave. Aktualisht çmimi i aplikuar që i paguhet kompanisë koncesionare “Sicpa Security Solutions” Albania, sh.p.k, për produktet duhanit është 20 euro/1 mijë copë, duke përjashtuar këtu TVSH-në dhe taksat e tjetra. Për alkoolin, pulla e akcizës kushton 32 euro për 1 mijë copë dhe për birrën 22 euro për 1 mijë copë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
