LIGJET E BIZNESIT
Frenohet rritja e cmimeve. Inflacioni zbriti në qershor në nivelin 2.1 për qind, duke pësuar një rënie prej 0.1 për qind kundrejt majit dhe gati një përgjysmim kundrejt të njëjtës periudhë të një viti më parë, kur ky tregues ishte 4.5 për qind.
Të dhënat e Institutit të Statistikave tregojnë se që prej fillimit të këtij viti, inflacioni ose ndryshe treguesi që dëshmon për rritjen e cmimeve dhe koston e jetesës, është futur në trajektore rënëse. E njëjta gjë ka ndodhur me inflacionin edhe në vendet e Bashkimit Europian, prej nga ku importojmë pjesën më të madhe të produkteve që konsumojmë. Por ekspertët vlerësojnë se kriza e cmimeve ende nuk ka kaluar, pasi sinjalet që vijnë nga tregjet ndërkombëtare janë mikes dhe perspektiva mbetet ende e paqartë.
Grupet që kanë ndikuar në inflacion
Sipas INSTAT, rritja vjetore e çmimeve në muajin qershor është ndikuar kryesisht nga grupi “Ushqime dhe pije joalkoolike” me +0,72 pikë përqindje, pasuar nga grupi “Qira, ujë, lëndë djegëse dhe energji” me +0,42 pikë përqindje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,27 pikë përqindje, çmimet e grupit “Pije alkoolike dhe duhan” me +0,16 pikë përqindje, çmimet e grupit “Mallra dhe shërbime të ndryshme” me +0,12 pikë përqindje, çmimet e grupit “Veshje dhe këpucë” me +0,11 pikë përqindje, çmimet e grupit “Hotele, kafene dhe restorante” me +0,10 pikë përqindje, çmimet e grupit “Shëndeti” me +0,07 pikë përqindje, çmimet e grupit “Shërbimi arsimor” me +0,06 pikë përqindje, çmimet e grupit “Transporti” me 0,05 pikë përqindje dhe çmimet e grupit “Argëtim dhe kulturë” me +0,04 pikë përqindje.
Inflacioni ndodhet aktualisht brenda objektivit të Bankës së Shqipërisë. Kjo ishte edhe arsyeja që institucioni mbikëqyrës banker uli në 3 për qind normën bazë të interesit për lekun, vetëm pak ditë më parë në mbledhjen e fundit të Këshillit Mbikëqyrës.
