Fasonët marrin tatëpjetën, rënia 18.6% në 5 muaj

Prodhuesit e veshjeve dhe këpucëve, që ndryshe njihen si fasonët, po përballen me goditjen e rradhës. Instituti i Statistikave konstaton se në qershor, eksportet e tekstile e këpucë, ranë me 15.8%.

Ndërsa për 5 mujorin, eksportet e tekstileve dhe këpucëve ishin 55.4 miliardë lekë, me një tkurrje prej 18.6% kundrejt të njëjtës periudhë të një viti më parë. Fasonët janë të rëndësishëm në ekonomi, pasi janë grupi më i madh eksportues në vend, me 27.8% të totalit të eksporteve.

Industria po vijon të vuajë pasojat e shumë faktorëve si rritja e kostove që ka bërë që partnerët të zhvendosen në Lindjen e Mesme duke ulur porositë dhe sidomos zhvlerësimi i euros, që redukton të ardhurat e tyre kur konvertohen në lekë.

Për periudhën janar-qershor 2023, një euro u këmbye mesatarisht me 114 lekë, sipas kursit të Bankës së Shqipërisë, ndërsa për të njëjtën periudhë të këtij viti këmbehet me 102.5 lekë, ose gati 10% më pak.

Sipas deklaratave të shoqatës Pro Eksport Albania, që mbron interest e industrisë fason, situate me kursin po detyron shumë fabrika të mbyllen, duke e fitur në krizë të gjithë industrinë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern