Mençuria konvencionale thotë se shtëpitë shiten më shumë më mirë kur ata janë të lyera me ngjyra neutrale si e bardhë, ngjyrë qumështi dhe bezhë. Por një studim tregon se mund të jeni pak më të guximshëm në përzgjedhjen e ngjyrave. Muret e shtëpisë suaj në ngjyrë gri, të kaltër dhe madje nuanca të ngjyrës blu nënkuptojnë më shumë letra jeshile në xhepin tuaj kur shisni një shtëpi.
Një analizë e re për 32,000 foto të shtëpive të shitura nga faqja e pasurive të patundshme Zillow.com, ka treguar se nuancat e hapura të ngjyrës blu dhe vjollcë, sidomos në një tualet, lidhen me rritjen e vlerës së shtëpisë mesatarisht me 5,440 dollarë.
Nga ana tjetër, shtëpitë me tualete në ngjyrë të bardhë janë shitur mesatarisht 4,035 dollarë më pak sipas Zillow.”
Kuzhina dhe tualeti janë pikat kryesore për një blerës. Gjithsesi, tualetet janë më të standartizuar se kuzhinat, kështu që disa ngjyra të caktuara mund të ndryshojnë me të vërtet pamjen dhe ndjesinë e një hapësire,” thotë Kerrie Kelly, eksperte e dizajnit të shtëpive në Zillow. “Ngjyra e murit në kuzhinë është po aq e rëndësishme sa paisjet e kuzhinës, materiali dhe forma e banakut.”
Nuancat e ngjyrës blu gjithashtu rrisin vlerën e shtëpisë nëse aplikohen në dhomat e tjera. Shtëpitë me dhoma gjumi në ngjyrë të kaltër shiten mesatarisht 1,856 dollarë më shumë. Shtëpitë ku dhoma e ngrënies është në ngjyrë gri në blu, blu dhe blu e zënë, shiten mesatarisht 2,000 dollarë më shumë.
Ngjyra blu e hapur dhe tonet blu-gri në kuzhinë shoqërohen me një rritje në vlerën e një shtëpie prej rreth 1,800 dollarë. Por, këto trende mund të ndryshojnë shpejt. Vitin e kaluar rekomandohej një kuzhinë në ngjyrë të verdhë, ndërsa sot vlera e shtëpive ku kuzhina është e lyer me të verdhë ka rënë mesatarisht me 820 dollarë.
Pavarsisht ngjyrës, besohet se të paktën një ose dy dhoma të lyera me ngjyra ndikojnë në shitjen më të shpejtë të një shtëpie. Ky është një investim minimal që dhe vet ju mund ta bëni me një kovë boje.
“Shitësit duhet të zgjedhin ato ngjyra që e tërheqin sa më shumë audiencën,” sugjeron Kelly. “Sa më shumë sy të habitur, aq më shumë para në xhepin tuaj.”/Time
