LIGJET E BIZNESIT
Turistët e huaj shpëtuan konsumin gjatë muajve të parë të këtij viti. Në një kohë që konsumi i brendshëm është rrudhur si pasojë e çmimeve të larta dhe largimeve nga vendi, të huajt gjallëruan tregtinë me pakicë. Sipas të dhënave të INSTAT, në tremujorin e parë të këtij viti, volumi i shitjeve nga zinxhiri i bizneseve tregtare, pa përfshirë karburantet, u rrit me 6 për qind krahasuar me të njëjtën periudhë të një viti më parë. Ky është niveli më i lartë i shënuar që nga periudha e pandemisë.
Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve është rritur 5.3 %, krahasuar me të njëjtin tremujor të vitit 2023.
Indeksi i volumit të shitjeve në tregtinë me pakicë, i llogaritur bazuar në deflatimin e indeksit e shitjeve në vlerë, arriti 100.2 duke shënuar një rritje 4.9 %, krahasuar me tremujorin e parë 2023. Ky tregues i përshtatur sezonalisht ështe rritur 1.7 %, krahasuar me tremujorin paraardhës.
Ndryshimi tremujor në indeksin e volumit të shitjeve në tregtinë me pakicë, i përshtatur sezonalisht.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në tremujorin parë 2024, volumi i shitjeve, përshtatur sezonalisht, në grupin “Tregti me pakicë, pa përfshirë tregtinë me pakicë të hidrokarbureve në njësi tregtare të specializuara”, është rritur me 1.9 %, krahasuar me tremujorin paraardhës.
Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve, përshtatur sezonalisht, ka pësuar rënie me 0.9 % krahasuar me tremujorin paraardhës.
Volumi i shitjeve, përshtatur sezonalisht, në tregtinë me pakicë, për grupin “Artikuj jo-ushqimore në njësi tregtare të specializuara dhe jo të specializuara” është rritur me 3.1 %, kundrejt tremujorit të mëparshëm.
Në grupin “Tregti me pakicë hidrokarbure në njësi tregtare të specializuara“, volumi i shitjeve, i përshtatur sezonalisht ka rënë me 0.2 %, kundrejt tremujorit të katërt 2023.
