LIGJET E BIZNESIT
Qeveria do të marrë borxh tek qytetarët e saj 74.6 miliardë lekë. Kjo është shuma e parashikuar të sigurohet gjatë periudhës korrik-shtator në 19 ankandet e bonove të thesarit dhe obligacioneve që Ministria e Financave ka planifikuar të zhvillojë.
Sipas kalendarit të bërë publik, gjatë tre muajve të ardhshëm qeveria synon të sigurojë në tregun e brendshëm një hua prej 74,6 miliardë lekësh. Karakteristikë për këtë periudhë që përkon më së shumti me pushimet verore është se pjesa më e madhe e ankandeve janë për obligacionet.
Në muajin korrik është parashikuar vetëm një ankand për bono thesari 12-mujore, me vlerë prej 9,5 miliardë lekë. Ndërkohë, pesë ankandet e tjera janë për obligacionet, emetime të reja 2, 3, 5, 7 dhe 10-vjeçare me një vlerë totale prej 22 miliardë lekë.
Në muajin gusht pritet të zhvillohen tre ankande bonosh 6 dhe 12-mujore me vlerë të përgjithshme 15,6 miliardë lekë, si dhe katër ankande obligacionesh. Gjatë këtij muaji, qeveria synon të sigurojë në tregun e brendshëm 25,6 miliardë lekë.
Sa i përket shtatorit është planifikuar të zhvillohet vetëm një ankand bonosh 12-mujore me vlerë 6,5 miliardë lekë, si dhe katër ankande obligacionesh rihapje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë këtij viti është parashikuar që borxhi publik do të merret në masën më të madhe në tregun e brendshëm, në formën e bonove të thesarit dhe obligacioneve. Referuar planit vjetor të huamarrjes, totali i emetimeve të këtij viti pritet të jetë rreth 378.64 miliardë lekë.
