Po hyjnë aq sa po dalin, bilanci i turizmit në 5 muajt e parë

Të huajt vijnë për pushime në Shqipëri, ndërsa shqiptarët ikin jashtë. Të dhënat e fundit të Institutit të Statistikave tregojnë se në 5 muajt e parë të këtij viti, numri i turistëve të huaj që po vijnë thuajse është barazuar me shqiptarët që ikin.

Në këtë periudhë, hyjnë në territorin shqiptar 913 mijë të huaj më shumë se një vit më parë, duke arritur një total prej 3.3 milionë vizitorësh. Ndërsa numri i shqiptarëve që kanë dalë nga vendi në drejtim të shteteve të tjera në 5 muajt e parë të vitit ka arritur në 3 milionë, me rritje 21.6 % kundrejt të njëjtës periudhë të vitit të kaluar.