LIGJET E BIZNESIT
Pas përfundimit të pandemisë, ekonomia globiale u fut në trendin rritës, duke lënë pas recesionin gati dy vjecar. Një ngritje që u shoqërua me rritje të prodhimit në nivel botëror, çka kërkonte shtimin e fuqisë punëtore. Për Europën kjo do të ishte një sfidë jo e vogël, në kushtet e një popullsie të plakur në të ashtuquajturin “kontinenti i vjetër”. Vendet e zhvilluara, si Gjermania dhe Franca, por edhe përtej si Shtetet e Bashkuara të Amerikës dhe Kanadaja ndrëmorrën politika agresive punësimi për të tërhequr fuqinë punëtore dhe kryesisht të rinjtë, nga vende më pak të zhvilluara, si ato të Ballkanit Perendimor.
Largimet do të ishin të pashmangshme. Në vende si Shqipëria, edhe me probleme të brendshme, fluksi do të ishte edhe më I madh. Kjo situatë vijon ende.
Kështu, për shembull, nga 1 qershori të gjithë qytetarët që duan të udhëtojnë drejt Gjermanisë për një punësim do të kenë më shumë lehtësira. E quajtur Karta e Shanseve nga kjo paketë do të përfitojnë të diplomuarit me bachelor, por dhe ata me arsim profesional.
Ambasada Gjermane bën të ditur se për vitin që lamë pas, u lëshuar mbi 11 mijë viza ku kryesisht dominojnë ato për punësim, bashkim familjar, studime apo dhe kurs gjuhe. Profesionet më të kërkuara janë mjekët dhe infermierët, punonjësit e transportit, punëtorët e ndërtimit, por edhe inxhinierë dhe specialistë të IT-së.
Në kundërbalancë dhe në përpjekje për të frenuar largimet, qeveria shqiptare po krijon paketa për të tërhequr investimet e emigrantëve por dhe rikthimin e tyre në vend.
