E tatëpjeta e prodhimit, tregu mbahet me mallra importi

Tkurrja e ndjeshme e prodhimit vendas dhe rritja e kërkesës për mallra nga turizmi ka krijuar terrenin ideal për importet. Të dhënat e Institutit të Statistikave tregojnë se në 5 muajt e parë të këtij viti, importet u rritën në sasi me 15.5 për qind. Ky është niveli më e lartë në 6 vitet e fundit.

Një rritje të ndjeshme kanë pësuar edhe importet e ushqimeve, cka tregon për mungesën e prodhimit vendas në treg. Sipas INSTAT-it, sasitë e ushqimeve të importuara u rriten me 20.5 % në 5-mujor. Rritja e tyre vijoi edhe në maj pavarësisht se me ritme më të zbutura se në 4-mujorin e parë. Zhvillimet në tregtinë e jashtme po tregojnë se sektori i turizmit nuk po ndikon pozitivisht në prodhimin vendas, pasi një pjesë e mirë e vlerave monetare po ikën sërish jashtë vendit për importin e lëndës së parë.

Turizmi është në shans i mirë për bujqësinë, nëse konsumi i tij lidhet me prodhimin vendas. Por kjo nuk po ndodh. Të dhënat zyrtare tregtojnë se në vitin 2023, turizmi ishte me rritje të ndjeshme, teksa bujqësia shënoi rënie, e cila ishte e para e këtij lloji n dekadën e fundit.