LIGJET E BIZNESIT
Presidenti i Universitetit Mesdhetar të Shqipërisë, Akademik, Prof.Dr Anastas Angjeli u vlerësua me çmimin “Vepra më e mirë studimore” për kolanën “Ditari i tranzicionit”. Ky çmim i akorduar nga Qendra Kombëtare e Librit dhe Leximit, Akademia e Shkencave të Republikës së Shqipërisë dhe Akademia e Shkencave të Republikës së ju dha autorit në ditën e parë të Panairit të 3-të mbarëkombëtar të librit akademik dhe shkencor, me motivacionin : Një vepër madhështore e cila sjell në kujtesë në mënyrë integrale historinë e zhvillimit ekonomik të Shqipërisë të viteve 90-të. Kolana pasqyron një begati diturish në lidhje me reformat, zhvillimin ekonomik dhe Social të Shqipërisë.
Akademik Angjeli, pasi shprehu falenderimet për këtë vlerësim theksoi se ky çmim është një nxitje dhe përgjegjësi për të vijuar me tej me vepra të tjera shkencore.
Me herët në panelin dedikuar Universitetit Mesdhetar të Shqipërisë, nën moderimin e Rektorit të Universitetit Mesdhetar të Shqipërisë, Akademik i asociuar, Adrian Civici, u prezatuan edhe botimet e dy profesorëve të nderuar të Universitetit Mesdhetar, Prof. Dr, Ksenofon Krisafi dhe Prof. Dr, Paskal Milo. Profesor Kristafi u prezantua me librin Lufta e Kosovës në labirintet demokratike (Gjenevë 1998-2002),ndërsa profesor Milo u prezantua me librin “Diplomacia e marrëdhënieve shqiptaro-amerikane”.
