LIGJET E BIZNESIT
Deputetja e opozitës, Jorida Tabaku ka dhënë alarmin se profesionet e lira janë në rrezik nga mbitaksimi që po u bëjnë tatimet. Kjo pasi ditët e fundit profesionistët e rinj janë përballur me fatura të kripura të tatim-fitimit që duhet të parapaguajnë si rrjedhojë e ligjit për tatimin mbi të ardhurat, i cili i takson ata në masën 15 %. Por faturat që këto biznese duhet të paguajnë i kapërcejnë 40% të tatim fitimit, pasi administrata tatimore deklaron se zbritjen e shpenzimeve që ligji parashikon, do ta bëjë vitin e ardhshëm.
“Në ndërkohë që grupi parlamentar i PD dhe disa grupe të tjera interesi kanë dorëzuar në Gjykatën Kushtetuese një padi për të rrëzuar Ligjin e Tatimit të Profesionistëve të lirë dhe gjithashtu edhe pezullimin e tij deri në një vendimmarrje të gjykatës, Drejtoria e Tatimeve ka nisur një udhëzim nr 26 që i detyron profesionistët e lirë të paguajnë deri në 40% apo dhe 50% të fitimit të tyre me premtimin që mot qeveria do t’ua kthej nëse kanë shpenzuar më pak.
Udhëzimi në fjalë është tërësisht i paligjshëm dhe në raport me Ligjin e Tatimit mbi Profesionistët e lirë që në fakt i garanton këto profesionistë që 30% e shpenzimeve do t’u njihen”, theksohet në qëndrimin e deputetes Tabaku në rrjetet sociale.
Postimi i plotë:
Profesionet e lira në rrezik!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një sistem i padrejtë gjithmonë ngrihet mbi ligje që krijojnë padrejtësi dhe mbahet me udhëzime që e thellojnë edhe më tej këtë padrejtësi.
Në ndërkohë që grupi parlamentar i PD dhe disa grupe të tjera interesi kanë dorëzuar në Gjykatën Kushtetuese një padi për të rrëzuar Ligjin e Tatimit të Profesionistëve të lirë dhe gjithashtu edhe pezullimin e tij deri në një vendimmarrje të gjykatës, Drejtoria e Tatimeve ka nisur një udhëzim nr 26 që i detyron profesionistët e lirë të paguajnë deri në 40% apo dhe 50% të fitimit të tyre me premtimin që mot qeveria do t’ua kthej nëse kanë shpenzuar më pak.
Udhëzimi në fjalë është tërësisht i paligjshëm dhe në raport me Ligjin e Tatimit mbi Profesionistët e lirë që në fakt i garanton këto profesionistë që 30% e shpenzimeve do t’u njihen. Mirëpo, padrejtësia dhe paligjshmëria e këtij udhëzimi janë po ashtu një provë tjetër në dorën tonë duke qenë se ky udhëzim transmeton ekzaktësisht natyrën e qeverisë dhe të ligjit; padrejtësinë dhe mungesën e parashikueshmërisë.
Do të mjaftonte vetëm natyra e këtij udhëzimi për të përmbushur ekzaktësisht fytyrën, natyrën dhe sistemin e kësaj qeverie; mbitaksimi i shtresës së mesme dhe përdorimi i taksave të tejngritura për këtë shtresë ashtu që të paguhen milionat e arbitrazhit, rrugëve të florinjta, koncesionet e kryebashkiakëve të korruptuar apo dhe inceneratorit.
Harbutarëia me të cilën u merren paratë e djersës dhe mundit xhepave të shqiptarëve, arroganca në trajtimin e atyre që punojnë, është sikur mendojnë se janë të paprekshëm. Prandaj koha nuk pret!
