LIGJET E BIZNESIT
Në Stamboll u mbaj Panairi i tekstilit dhe aksesorëve të tij, një nga panairet më të mëdhenj që organizohet , ku morën pjesë 558 stenda të cilat prezantuan produktet e tyre.
Kjo ngjarje përfshin të gjitha industritë e tekstilit të mbledhura nën një çati të vetme. Ky event ofron një mundësi të shkëlqyeshme për bizneset që të tregtojnë midis industrive më të mira të tekstilit dhe stilistëve në të gjithë botën.
Të pranishëm në këtë panair për ta vizituar ishin edhe përfaqësuesi nga biznesi shqiptarë të organizuar nga shoqata Pro-Eksport Albania, të cilët kishin mundësi të ndërtonin ura bashkëpunimi dhe te njiheshin me produktet dhe ofertat.
Gjithashtu, e pranishme në këtë eveniment ishte dhe Delina Ibrahimaj, Ministër Shteti për Mbrojtjen e Sipërmarrjes dhe Klimën e biznesit e cila e vlerësoj këtë vizitë, pasi panaire të tilla ju vinë në ndihmi biznesit vendas dhe sipërmarrësve shqiptarë.
Tekstilet dhe këpucët janë sektori më i madh eksportues në vend, dhe panaire të tilla janë të rëndësishme për sektorin e fasonerisë pasi Turqia është prodhuese e lëndës së parë. Në këtë vizitë 2 ditore u realizuan dhe takime me Shoqatat homologe te sektorit si dhe vizitë në fabrikën prodhuese tekstilit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
