LIGJET E BIZNESIT
Nëse ka një biznes që po ecën mirë vitet e fundit është ai i aktiviteteve të pasurive të paluajtshme.
Teksa ndërtimet po rriten ndjeshëm, me ritme të larta po shtohen dhe aktivitetet që merren me shitjen e pasurive të paluajtshme.
Të dhënat e INSTAT mbi statistikat e ndërmarrjeve tregojnë se në vitin 2022 bizneset në aktivitetet e pasurive të paluajtshme u rriten 47.5% në krahasim me vitin 2021, më e larta nga të gjithë sektorët e tjerë.
Në vitin 2022, në të gjithë vendin numëroheshin 1532 aktivitete të pasurive të paluajtshme nga 1040 që ishin më 2021. Gjithashtu numri i ndërmarrjeve në sektorin e ndërtimit u zgjerua me 14,6% në të njëjtën periudhë.
Rriten ndërtimet, po ulen mobilieritë
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër aktivitet e mobilierive shënuan rënien më të madhe të numrit të ndërmarrjeve në vitin 2022, me rreth 11%. Të dhënat e INSTAT tregojnë se gjatë vitit 2021 falimentin në të gjithë vendin 128 biznese të mobilierive duke e çuar numrin e përgjithshëm në 1047 nga 1175 që ishte me 2021.
Përfaqësues të sektorit të mobilierive janë ankuar më herët për Monitor, duke u shprehur se bumi i ndërtimit nuk ka rritur kërkesën për mobilje. Sipas tyre një pjesë e madhe e apartamenteve janë blerë për investime afatgjata dhe nuk janë mobiluar qëndrojnë bosh.
Pas mobilierive rënia më e madhe ishte për ndërmarrjet që trajtojnë ujërat e ndotura me rreth 6%. Kjo po ndodh për shkak të një reformë në sektorin e ndërmarrjeve shtetërore të ujësjellës kanalizimeve që janë në pronësi të shtetit që po përqendron në rajone.
Numri i bizneseve u rrit me 9%
Numri i përgjithshëm i ndërmarrjeve aktive vitin e kaluar arriti në 113,460 më rritje vjetore 9%. Të dhënat më të detajuara tregojnë se rritje më të fortë kanë treguar bizneset e lidhura e shërbimeve të informacionit me 41 % më shumë se në vitin 2021, akomodimit me 37%, tekstileve dhe veshjeve me 33%.
Ecuria e numrit të ndërmarrjeve pasqyron zhvillimet në strukturën e ekonomisë. Rritja e vizitoreve të jashtëm ka rritur kërkesën për më shumë biznese në fushën e hotelerisë, por nga ana tjetër bizneset e shërbimit ushqimor dhe të tregtisë që lidhen me turizmin janë më pak, përkatësisht 6.9 dhe 3.9%.
Ndërmarrjet që ushtrojnë aktivitet tregtar kanë zënë përqindjen më të lartë të numrit të ndërmarrjeve me 36,5 %, Shërbimi ushqimor që përfaqësohet me restorantet përfaqëson 11% të numrit të përgjithshëm të ndërmarrjeve aktive në rang vendi./Monitor
