LIGJET E BIZNESIT
Inflacioni, treguesi që dëshmon për rritjen e çmimeve është ngadalësuar në janar. Sipas të dhënave të Institutit të Statistikave, në këtë periudhë inflacioni zbriti në 3.4%, duke shënuar nivelin më të ulët që prej nëntorit të vitit 2021. Ndërkohë që në janarin e një viti më parë inflacioni shënonte 7.2%. Më i zbutur paraqitet edhe inflacioni i produkteve ushqimore, ku për këtë fillim viti ka qenë vetëm 5.3%.
Gjatë tre viteve të fundit, ekonomia jonë u karakterizuar nga një norma e lartë e inflacionit, e shkaktuar fillimisht nga kërkesa e lartë pas pandemisë në gjysmën e dytë të vitit 2021 dhe u intensifikua më tej pas luftës në Ukrainë.
Por cilët janë grupet që kanë ndikuar në inflacionin e janarit?
Sipas të dhënave të INSTAT-it, rritja vjetore e çmimeve në muajin Janar është ndikuar kryesisht nga grupi “Ushqime dhe pije joalkoolike” me +1,91 pikë përqindje, pasuar nga grupi “Qira, ujë, lëndë djegëse dhe energji” me +0,44 pikë përqindje. Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,37 pikë përqindje, çmimet e grupit “Pije alkoolike dhe duhan” me +0,19 pikë përqindje, çmimet e grupeve “Hotele, kafene dhe restorante” dhe “Mallra dhe shërbime të ndryshme” me +0,18 pikë përqindje secili, çmimet e grupeve “Veshje dhe këpucë” dhe “Argëtim dhe kulturë” me +0,12 pikë përqindje secili, çmimet e grupit “Shërbimi arsimor” me +0,07 pikë përqindje, çmimet e grupit “Shëndeti” me +0,06 pikë përqindje dhe çmimet e grupit “Komunikimi” me +0,01 pikë përqindje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çmimet e grupit “Transporti” kanë kontribuar me -0,27 pikë përqindje.
