LIGJET E BIZNESIT
Shtrenjtimi i interesave gjate vitit 2023, për shkak të rritjes së vazhdueshme të normës bazë të interesit nuk ka stepur kreditimin e individëve. Madje, as pasiguritë që ka shfaqur ekonomia, nxitur kryesisht nga inflacioni i lartë. Të dhënat e Bankës së Shqipërisë tregojnë se gjatë vitit që lamë pas, kredia për individët arriti në 217.7 miliardë lekë, duke shënuar një rritje prej 9% kundrejt të njëjtës periudhë të një viti më parë. Në dhjetor 2022, kredia për individët përllogaritej në 249.2 miliardë lekë.
Por për cfarë kanë marrë hua qytetarët?
Statistikat tregojnë se kredia për blerje banesash ajo që dominon treguesit e huamarrjes, me me shumë interes për të dyja palët, si individët, ashtu edhe bankat. Totali i kredisë në lekë për blerje apartamentesh në dhjetor ka arritur në 110.2 miliardë lekë, me rritje prej 17% krahasuar me dhjetorin e një viti më parë, kuro totali ishte 94.1 miliardë lekë.
Ndërkaq, rënie ka shënuar muajt e fundit të vitit, overdrafti në lekë, kredia për të mbuluar nevojat imediate. Totali i kësaj kredie afatshkurtër rezulton 7.2 miliardë lekë në fund të dhjetorit, nga mesatarja prej rreth 7.4 miliardë lekësh në të cilën është luhatur përgjatë gjithë vitit të shkuar.
Rritje të ndjeshme ka pësuar edhe kredia konsumatore. Huaja për këtë qëllim arriti në dhjetor të vitit të kaluar në 47.1 miliardë lekë, duke shënuar një rritje prej 38% kundrejt të njëjtës periudhë të një viti më parë.
