Autry Stephens 85-vjeçari amerikan po fiton para, pasi së fundmi ka shitur kompaninë e tij, Endeavour Energy Resources, te Diamondback Energy. Marrëveshja prej 26 miliardë dollarësh me para dhe aksione e bën atë biznesmenin më të pasur të naftës në SHBA.
Por, Stephens i heshtur ka pohuar se nuk dëshironte të largohej nga kompania që themeloi në 1979, duke thënë se, ai e mori vendimin kryesisht për shkak të një diagnoze kanceri.
“Do të më mungojnë njerëzit atje. Ishte një lloj familjeje e vogël”, është shprehur ai.
Stephens i kishte rezistuar prej kohësh përpjekjeve të jashtme për të blerë Endeavor, e cila ishte një nga kompanitë e fundit të pavarura të mëdha të naftës në pellgun e pasur Permian të Teksasit perëndimor. Por kjo ndryshoi kur ai u diagnostikua me kancer të prostatës, siç është shprehur në një intervistë të tij të fundit.
Ai tha se vendosi të mos ia kalonte kompaninë vajzës së tij, Lyndal Greth, e cila ulet në bordin e kompanisë dhe se djali i tij nuk ishte pjesë e biznesit familjar.
Marrëveshja me Diamondback Energy, e cila mundi ofertuesit e tjerë me emra të mëdhenj si ExxonMobil dhe ConocoPhillips është gati t’a bëjë kompaninë një forcë të fuqishme në skenën vendase të energjisë.
Stephens është i njohur për stilin e tij modest. Ai ngiste një Toyota Land Cruiser të modelit të vjetër në punë dhe fluturoi me buxhet në Southwest Airlines. Kjo pasqyron edukimin e tij modest në një fermë në Teksasin qendror ku rriteshin kikirikë dhe shalqinj, sipas profilit të tij të diplomuar në Universitetin e Teksasit Austin.
Stephens i atribuon suksesin e tij hapësirës ndaj ideve dhe teknologjive të reja, si dhe praktikës së pagesës së parë për eksplorimin e naftës gjë që e ndihmoi atë t’i mbijetonte krizës financiare të 2008-ës, ndërkohë që shumë operatorë të tjerë amerikanë u zhytën.
“Historia e industrisë së naftës është plot me histori të njerëzve që bëjnë dhe humbasin disa herë pasuri”, është shprehur Stephens.
I pyetur se çfarë do të bënte me miliardat e tij të sapogjetur, Stephens tha se nuk e kishte menduar ende për këtë./entrepreneur.com
