Doni të blini një shtëpi? Ish ministri i Financave, Arben Malaj jep këto këshilla për qytetarët

Ish ministri i Financave, Arben Malaj ka dhënë disa këshilla praktike për të gjithë qytetarët e interesuar për pasuritë e patundshme. Në faqen e tij në facebook, Malaj këshillon lidhur me atë që këta individë duhet të kenë parasysh përpara se të blejnë apo të shesin një pronë.

“Disa këshilla praktike për individët:

1. Asnjëherë mos nxitoni të shisni pasuri të patundshme.

2. Mos synoni të blini në zonat me cmime ndjeshëm të larta, sepse kjo ju rrit borxhet nga kredia, që edhe ajo nuk është e lirë.

3. Blini në zonat që konsiderohen “larg”, ku (nuk) ka infrastrukturë bashkëkohore, por ka plan zhvillimi.

4. Kurrë as mos Blini dhe as mos Shisni pa u konsultuar me ekspertë te pasurive të patundshme”, shkruan ish ministri Malaj.