Boom kredish në dhjetor, viti mbyllet me 14.5% më shumë financime për ekonominë nga bankat

Dhjetori i vitit të kaluar shënoi boom në kreditimin e ekonomisë, duke ndikuar në totalin e huadhënies për të gjithë vitin 2023. Sipas të dhënave të Bankës së Shqipërisë, në këtë periudhë kredia e re u rrit me 45 miliardë lekë kundrejt dhjetorit 2022, ekuivalent me 47.7%. Kjo shumë përfaqëson vlerën më të lartë historike të kredisë mujore të dhënë nga sektori bankar.

Rritja e fortë e muajit dhjetor pati gjithashtu një ndikim të ndjeshëm në shifrat përfundimtare vjetore. Për të gjithë vitin 2023, kredia e re arriti gjithashtu vlerën rekord të pothuajse 319 miliardë lekëve, në rritje me 14.5% krahasuar me vitin 2022.

Ekspertët mendojnë se pikërisht frenimi i rritjes së normave të interesit vitin e kaluar ka mbështetur një rritje me ritme relativisht të larta të kredisë. Dhe kjo shpjegohet me faktin se rritja e kredisë së re erdhi thuajse e gjitha në lekë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern