LIGJET E BIZNESIT
Paga deri në 950 euro nuk do të jetë stimuli i vetëm për mësuesit. Kryeministri Rama ka deklaruar sistemi do të reformohet tërësisht dhe do të ketë nivele të ndryshme pagash, në bazë të meritës. Këto deklarata kreu i qeverisë i bëri gjatë një aktiviteti, ku është prezantuar Programi Kombëtar i Zhvillimit Profesional të Mësuesve.
“Pagat së shpejti brenda pak muajsh mesatarisht do shkojë në 950 euro, por nuk mjaftojnë prandaj na duhet të reformojmë sistemin. Për shembull mekanizmin e rritjes së pagës çdo 5 vjet duhet ta reformojmë tërësisht, përveç pagesës uniformë të ketë dhe nivele të ndryshme pagash sipas meritës, kontributit dhe kualifikimeve. Për këtë na duhet sistem I besueshëm kualifikimesh e trajnimesh e kreditesh.
Është një kohë në të cilën, ka filluar një luftë pa armë, shumë e egër, për kapitalin njerëzor. Vendet më të zhvilluara, që sot po përballen me fenomenin e pandalshëm të plakjes, që janë në krye të trenit të Europës, janë investuar, për të marrë kapital njerëzor, ku të munden, pa mëshirë. Oferta e tyre është shumë e fortë se oferta jonë. Ta mbrojmë sa të mundemi, kapitalin njerëzor, dhe cilësinë e tij në vendit tonë”, ka deklaruar Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
