Drejtori i ARRSH, Evis Berberi: Rruga Durrës-Tiranë nuk do të jetë me pagesë

Rruga Durrës-Tiranë që do të nisë rikonstruksionin këtë vit nuk do të jetë me pagesë. Ka qenë drejtori i përgjithshëm i Autoritetit Rrugor Shqiptar, Evis Berberi. i cili ka deklaruar në emisionin a2 Business të gazetares Aurora Sulçe se nuk do të ketë pagesë për këtë aks të rëndësishëm, pas ndërhyrjeve që do t’i bëhen.

“Nuk do të ketë pagesë për rrugën, ndryshe nga sa kanë informuar të gjitha portalet. Ndërhyrjet në rrugën Durrës-Tiranë do të bëhen për të përballuar fluksin e shtuar të lëvizjes së mjeteve. Do të bëhen katër korsi nga njëra anë dhe katër korsi nga ana tjetër. Ndërhyrjet do të bëhen pjesë-pjesë, në varësi të fluksit dhe do të nisin këtë vit”, ka deklaruar Berberi.