Harta territoriale do të ndryshojë sërish, qeveria njofton reformën e re administrative

Harta administrative e vendit do të ndryshojë sërish. Gati 10 vjet pas reformës territoriale që e ndau Shqipërinë në 61 bashki të mëdha, qeveria po përgatit hartën e re të ndarjes administrative. Lajmi është bërë i ditur nga Arbjan Mazniku, ministri i Pushtetit Vendor, i cili njoftoi nisjen e diskutimeve për një reformë të re të ndarjes se pushtetit vendor.

Çështja themelore për diskutim është eficenca e bashkive në territoret e mëdha që menaxhojnë prej 2015-ës. Gjatë kongresit të partisë socialiste ministri i shtetit për pushtetin vendor njoftoi edhe rishikimin e formulës për financimin e pushtetit vendor.

Mazniku deklaroi pas 2024 bashkitë duhet të kthehen në agjentë të zhvillimit të qyteteve të tyre. Harta territoriale e dekadës së fundit e ndau Shqipërinë në 61 njësi administrative nga 373 bashki e komuna, që ishin para kësaj refome.

Pas zgjedhjeve vendore të 14 Majit, nga 61 bashki në shkallë vendi, 54 drejtohen nga Partia Socialiste.