Denoncimi i biznesit/ Xhevit Hysenaj: Më shumë leje për bimën e mersinës se për një pallat

Prodhuesit edhe eksportuesit po vuajnë burokracitë administrative, të cilat cojnë më pas në korrupsion. Në emisionin A2 Business të gazetares Aurora Sulce, kryetari i Shoqatës së Bimëve Aromatike dhe Mjekësore, Xhevit Hysenaj deklaroi se duhen më shumë leje dhe procedura për të mbledhur bimën e mersinës sesa të marrësh një leje ndërtimi për pallat. “Unë kam shkuar në bashki dhe më është dashur të plotësojë më shumë dokumente për mersinën sesa për ndërtimin e një pallati dhe e di se kam ndërtuar vetë një pallat të vogël”, deklaroi Hysenaj. .

E ftuar në emision, deputetja e Partisë Socialiste, Pranvera Resulaj pranoi se është në dijeni të shqetësimeve të tyre dhe përsëriti se qeveria është e angazhuar për t’i ndihmuar.

“Jam pjesë e shqetësimeve të eksportuesve. I kam ndjekur kërkesat e tyre. Jemi njohur me vështirësitë e fasonerisë. Kjo nisi me pandeminë dhe pasoi me zhvlerësimin e euros. Eksportet nuk kanë prekur vetëm fasonerinë. Vullneti është i madh, por kur zbret në teknikalitete nisin dhe burokracitë, por jo që të bëhen pengesë. Ka nevojë për mbështetje”, tha Resulaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern