Inteligjenca emocionale është aftësia për të perceptuar dhe për të vlerësuar me saktësi ndjenjat tek vetja dhe tek të tjerët. Një ekspert i Harvardit thotë se, nëse përdorni një nga këto fraza çdo ditë, mund të keni inteligjencë emocionale të ulët.
1.Nuk do të ndryshoj. Jam ai që jam
Inteligjenca emocionale është e lidhur me aftësinë për të ndryshuar me kalimin e kohës, ndërsa mësoni dhe rriteni.
Njerëzit me inteligjencë emocionale të ulët shpesh janë më të ngurtë dhe shpesh i kundërshtojnë përpjekjet për të ndryshuar dhe për t’u rritur. Bindjet e forta janë të rëndësishme, por edhe hapja ndaj mundësive të reja.
Çfarë duhet të thoni: Kam nevojë të reflektoj më mirë mbi atë që po thua. Dua të jem i hapur ndaj reagimeve rreth vetes, edhe kur është e vështirë të dëgjosh.
- Nuk më intereson se si ndihesh
Përçmimi për ndjenjat e të tjerëve është një tregues i inteligjencës emocionale të ulët.
Shfaqja e mungesës së ndjeshmërisë për të tjerët, veçanërisht kur po kalojnë një moment të vështirë, e bën të vështirë të zhvillosh marrëdhënie të dobishme dhe me mbështetje reciproke.
Çfarë duhet të thoni: Më vjen keq që ndihesh i mërzitur. Si mund të të ndihmoj në këtë moment?
- Është faji yt që ndihem kështu
Njerëzit me inteligjencë të fortë emocionale nuk ua vënë fajin të tjerëve për ndjenjat e tyre. Ata e kuptojnë se emocionet e tyre janë të lidhura se si i perceptojnë së brendshmi rrethanat.
Emocionet tona nuk janë përgjegjësia e dikujt tjetër për t’i zgjidhur. Janë një mundësi për të kuptuar veten dhe për të vendosur kufij.
Çfarë duhet të thoni: Jam shumë i përfshirë në këtë moment. Perceptimi im i situatës është që…
- E ke gabim
Kur marrin një feedback, njerëzit me inteligjencë emocionale të fortë përpiqen të kuptojnë ndryshimet.
Në vend që të qëndrojnë të bllokuar tek aspektet ekstreme, ata përpiqen më së shumti të kuptojnë përvojën e përjetuar nga personi tjetër.
Çfarë duhet të thoni: Dua të shoh këndvështrimin tënd edhe pse i shoh gjërat ndryshe nga ti. Mund të më ndihmosh të kuptoj se pse ndihesh kështu?
- Nuk mund të të fal
Njerëzit me inteligjencë emocionale mund ta vënë veten në vend të tjetrit. Kjo i bën ata më të hapur të falin dikë tjetër për ndonjë gabim të perceptuar, krahasuar me dikë që është më pak i sigurt.
Çfarë duhet të thoni: Në këtë moment e kam të vështirë të të fal. Por po përpiqem ta lë pas këtë pakënaqësi dhe zemërim dhe të ecim përpara.”
- Mendimet e tua janë joracionale
Njerëzit me inteligjencë emocionale të fortë mund të marrin në pyetje ndjenjat e tyre, të dalin jashtë vetes dhe të analizojnë aspektet racionale dhe joracionale të mendimeve të tyre.
Ata janë gjithashtu të aftë në pranimin e ndjenjave të njerëzve të tjerë, edhe nëse nuk e kuptojnë se nga vijnë.
Çfarë duhet të thoni: Ndiej në këtë moment se emocionet e tua janë të forta dhe të drejta. Nuk e kuptoj plotësisht pse ndihesh kështu dhe jam plotësisht dakord me këndvështrimin tënd në këtë situatë. A mund të më tregosh më shumë?/ CNBC
