LIGJET E BIZNESIT
Sot festohet 111 vjetori i Pavarësisë së vendit. Më 28 nëntor të vitit 1912, Ismail Qemali ngriti flamurin në Vlorë, duke e shpallur Shqipërinë shtet sovran dhe të pavarur.
Kjo ngjarje e rëndësishme për shtetin shqiptar kujtohet dhe nderohet cdo vit nga të gjithë shqiptarët në të gjithë botën.
Me rastin e kësaj dite të shënuar, pushteti qendror dhe ai vendor kanë organizuar aktivitete të shumta, që do të mbahen në disa qytete të vendit.
Festimet do të nisin në Vlorë, aty ku do të kryhet ceremonia tradicionale e ngritjes së Flamurit me shkabën dykrenare. I pranishëm në këtë ngjarje do të jenë krerët më të lartë të shtetit, mes të cilëve dhe kryeministri i Kosovës, Albin Kurti.
Veçantia e kësaj feste do të jetë parada që do të mbahet në kryeqytet, ku do të parakalojnë kryetarët e bashkive dhe komunave nga të gjitha trevat shqipfolëse Shqipëria, Mali i Zi, Maqedonia, Presheva e Bujanoc.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Të ftuarit specialë janë krerët e komunave arbëreshe në Itali dhe përfaqësuesit e diasporës amerikane.
Përpos simpoziumeve dhe ceremonive përkujtimore të kësaj dite të shenjtë, festa e madhe do të përmbyllet në darkë me festivalin e Gjirokastrës, i cili sjell disa nga pjesët më të mira të këtij eventi.
Festime për Ditën e Flamurit do të ketë në të gjitha qytetet shqiptar, por kryeqendra si asnjëherë më parë, këtë vit do të jetë Tirana.
