Qeveria ka propozuar Mimoza Kaçin në postin e drejtores ekzekutive të Autoritetit të Mbikëqyrjes Financiare, vend i mbetur bosh pas emërimit të Ervin Metes si ministër i Financave. Vendimi është marrë në mbledhjen e sotme të Këshillit të Ministrave.
Mimoza Kaçi mban aktualisht postin e nëndrejtores së përgjithshme të AMF-së. Propozimi i qeverisë, që do t’I kalojë për mirati Parlamentit, parashikon që ajo të emërohet në funksionin e drejtorit të Pëgjithshëm Ekzekutiv të Autoritetit, për periudhën e mbetur të mandatit si anëtare e Bordit.
Duke qenë se Mimoza Kaçi është emëruar si anëtare e Bordit në tetor 2020, mandati i saj 5-vjeçar përfundin në tetor 2025 dhe përgjatë kësaj periudhe ajo do të mbajë detyrën e Drejtorit të Përgjithshëm Ekzekutiv.
