Krahas kantiere të ndërtimit të hapura tashmë në infrastrukturë, qeveria parashikon që vitin e ardhshëm të celë edhe disa projekte të tjera të reja. Dy më të rëndësishmet të planifikuara në buxhetin 2024 janë ndërtimi i portit tregtar në Porto Romano dhe linja hekurudhore Vorë – Hani i Hotit. Për vitin e ardhshëm janë parashikuar rreth 1.2 miliardë euro janë investime apo 18% e totalit.
Për ndërtimin e portit janë planifikuar 400 milionë euro dhe ky projekt është listuar me financim të huaj, por burimi është i paspecifikuar.
Ndërkohë për rehabilitimin e linjës hekurudhore janë projektuar Qeveria ka vendosur në buxhet rreth 75 milionë euro, ndërsa janë 380 milionë euro si financim i huaj nga korniza e investimeve për Ballkanin Perëndimor, nga ku një pjesë janë grante.
Në buxhetin 2024 është parashikuar që të vijojë zgjerimi i rrugës Elbasan- qafë thanë në fazat e tjera, si dhe i rrugës Berat – Ballaban. Është vendosur sistemi i rrugës Qafa Buallit – Martanesh, si dhe rikonstruksioni i rrugës së vjetër Kombinat – Ndroq – Plepa, si dhe rehabilitimi i segmentit të vjetër rrugor Fier – Vlorë.
Ndërkohë ujësjellës kanalizimet marrin gjithashtu një angazhim të rëndësishëm në këtë buxhet me 85 milion euro për vijimin e reformave.
Tre sektorët prioritarë arsimi, shëndetësia dhe mbrojtja do kenë gjithashtu më shumë investime. Synohet zhvillimi i infrastrukturës shkollore në arsimin parashkollor dhe të mesëm. Qendrat rajonale spitalore do i nënshtrohen një procesi rikonstruksioni dhe sistemi me pajisje të reja mjekësore.
Ndërkohë tek mbrojtja do financohen një sërë projektesh duke filluar nga përmirësimi i kushteve të akomodimit në Bizë, tek blerja e dronëve ushtarakë, kompletimi me sisteme radar dhe mjete të reja transporti. Një vëmendje të shtuar do marrë arsimi ushtarak me rikonstruksione godinash.
Tek projektet me financim të huaj KFW dhe bankat europiane do japin grante dhe kredi për projektin Transporti i gjelbër në Tiranë në vlerën 90 milionë euro. 50 milionë euro kredi për programin Porta e Alpeve nga banka europiane e investimeve, 50 milionë euro për programin Deti Blu nga Banka Botërore. AKSHI merr rreth 40 milionë euro për ndërtimin e laboratorëve SMART në shkolla nga bankat europiane ku 60% janë grante, ndërsa pjesa tjetër kredi.
