Java Globale e Sipërmarrjes

Ministri i Shtetit për Sipërmarrjen dhe Klimën e Biznesitm Delina Ibrahimaj organizon “Javën Globale të Sipërmarrjes” në datat 13 – 19 Nëntor. Gjatë kësaj jave synohen të organizohen mbi 60 evente. të cilat do të zhvillohen në katër qytete të Shqipërisë ku do të përfshihen të gjithë aktorët që kontribuojnë në zhvillimin ekonomik të vendit. Tematikat do të mbulojnë NVM-të, Starup-et, korporatat, si dhe sektorë të vecantë strategjik.

Kjo është një mundësi unike për tu bërë pjesë e dialogut dhe përmirësimit të mjedisit ekonomik, së bashku me sipërmarrësit e rinj dhe ata që tashmë e kanë nisur këtë rrugëtim, si NVM-të, akademitë, gratë sipërmarrëse, bizneset inovatore.

E gjithë java do të ketë një kalendar ngjarjesh të dedikuara, me tematika që përçojnë risitë më të fundit të zhvillimeve teknologjike, modelet e reja te biznesit dhe rritjen e produktivitetit të kompanive që operojnë sot në Shqipëri. Si vlerësim për kontributin tuaj, në promovimin dhe mbështetjen e dhënë ndër vite ndaj sipërmarrësve shqiptare, ju ftojmë të bëheni pjesë e Javës Globale të Sipërmarrjes 2023.