LIGJET E BIZNESIT
Një makinë Ferrari tani mund ta blesh edhe me kriptomonedha. Kompania njoftoi se ka filluar të pranojë pagesa në kriptomonedha për blerjen e makinave të saj në Shtetet e Bashkuara dhe shumë shpejt skema do të shtrihet edhe në Europë. Shumica dërrmuese e kompanive të mëdha janë larguar nga kriptomonedhat, pasi paqëndrueshmëria e tyre i bën jo praktike për tregti. Tregu ende i parregulluar dhe përdorimi i lartë i energjisë kanë parandaluar gjithashtu përhapjen e kriptove si një mjet pagese.
Këtu përfshihet edhe prodhuesi i makinave elektrike Tesla, që filloi të pranonte pagesa në bitcoin në vitin 2021. Por shefi Ekzekutiv, Elon Musk, e ndaloi këtë praktikë për shkak të shqetësimeve mjedisore. Ferrari tha se vendimi erdhi si përgjigje ndaj kërkesave të tregut, pasi shumë klientë kanë investuar në kripto.
Ndërkaq Bitcoin dhe kriptovalutat e tjera janë rritur ndjeshëm, për shkak të mundësive se Komisioni i Letrave me Vlerë dhe Këmbimeve, së shpejti do të miratojë fondin e parë të tregtuar në Bitcoin, një katalizator kyç për kriptomomedhat.
Për këtë arsye, Bitcoin po tenton nivelin e 28,000 dhe analistët mendojnë se brenda kësaj jave mund të shohim nivele edhe më të larta. Investitori i njohur i kriptove, Anthony Scaramucci, themeluesi dhe partneri menaxhues në SkyBridge Capital, tha në një podcast se ai priste që bitcoin përfundimisht të bëhej një aset prej 15 trilion dollarësh gjatë viteve të ardhshme, duke e quajtur atë “më të vlefshëm se ari”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
