LIGJET E BIZNESIT
Përfaqësuesit e industrisë fason kanë zhvilluar një takim me misionin e FMN-së që ndodhet në Tiranë. Pro Eksport Albania bën të ditur se kanë informuar përfaqësuesit e Fondit Monetar mbi zhvillimet e fundit në sektorin e prodhimit dhe parashikimet për të ardhmen. Fakti që dy tremujorët e parë të vitit 2023 regjistruan një kontribut të ulët të sektorit të prodhimit në rritjen ekonomike. Arsyet kryesore për këtë nën performancë (si mbiçmimi i shpejtë i kursit të këmbimit, rritja e ngadaltë e kërkesës globale, ulja e numrit të fuqisë punëtore, etj.)
Gjithashtu, është disKutuar mbi mundësitë dhe sfidat kryesore për zhvillimin e sektorit të prodhimit në plan afatmesëm. Politikat që mund të ndihmojnë në reduktimin e mospërputhjeve të aftësive në tregun e punës dhe promovimin e një tranzicioni drejt produkteve “Made in Albania”.
Eksportuesit kanë ngritur shqetësimin e mbiçmimit të qëndrueshëm të kursit të këmbimit të monedhës shqiptare si një sfidë për kompanitë e tyre. Politikat që mund të mbështesin kompanitë në afat të shkurtër dhe t’i ndihmojnë ato të kalojnë në prodhime me vlerë më të lartë në afat të mesëm.
“Në fund të takimit përfaqësuesit e FMN-së na informuan që do bëhet një raport mbi impaktin e sektorit të veshjeve dhe këpucëve ka në Shqipëri, jo vetëm nga ana ekonomike, por edhe nga ajo sociale”, theksohet në njoftimin për shtyp të Pro Eksport Albania.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
