Nis viti i ri shkollor/ 29 mijë fëmijë fillojnë klasën e pare, edhe ata 5 vjeç

Ka nisur këtë të hënë viti i ri shkollor. Rreth 450 mijë nxënës të arsimit parauniversitar kanë nisur frekuentimin e sistemit arsimor.

70 mijë i përkasin kopshteve, rreth 100 mijë janë gjimnazistë dhe 280 mijë në arsimin 9-vjeçar. Për herë të parë do të ulen në bankat e shkollave rreth 29 fëmijë që nisin klasën e parë.

Për herë të parë në këtë vit shkollor, në klasën e parë janë pranuar edhe ata që janë 5 vjeç por që brenda vitit do të mbushin 6.

Krahas fëmijëve, në sistemin arsimor  janë edhe 31 mijë mësues, ndërsa procesi mësimor do të zhvillohet në  1700 shkolla të shpërndara në të gjithë vendin.

Në bazë të udhëzimit të Ministrisë së Arsimit, ky vit do të përfundojë më 14 qershor.

Pushimet për rreth dy javë do të zhvillohen në muajin dhjetor, ndërsa 7 ditë të tjera janë planifikuar në javën e parë të prillit.